Isang mangingisda ang nasawi, isa ang sugatan at isa pa ang nawawala matapos tamaan ng kidlat ang kanilang grupo sa laot ng Barangay Guis-Guis Talon sa Sariaya, Quezon.
Ayon sa MDRRMO o Municipal Disaster Risk Reduction Management office ng Sariaya, nasa gitna ng dagat ang mga mangingisda nang tamaan ng kidlat ang mga ito matapos tumilapon sa tubig mula sa kanilang mga bangka.
Kaagad na namatay at halos masunog ang buong katawan ng isa sa mga mangingisda na direktang tinamaan ng kidlat.
Isinugod naman agad sa ospital ang mga biktima nang masagip ng mga otoridad.
