Pinayagan ng prosecutors ang isang nakakulong na drug supplier na huwag nang dumalo sa preliminary investigation sa kasong isinampa laban kina Kerwin Espinosa at Peter Lim.
Ayon kay Assistant State Prosecutor Aristotle Reyes, hindi na kailangang magpakita ni Lovely Impal para panumpaan ang counter affidavit nito sa reklamong conspiracy sa illegal drug trading lalo na’t nakakulong ito sa Iligan City jail.
Sinabi ni Reyes na matagal ang biyahe at magastos kung dadalhin pa sa Maynila si Impal na una nang nagsumite ng kaniyang counter affidavit sa Iligan City Prosecutor’s Office.
Ang counter affidavit ni Impal ay ipadadala sa DOJ o Department of Justice at ang kopya nito ay ibibgay sa lahat ng partido kabilang ang Philippine National Police – Criminal Investigation and Detection Group (PNP – CIDG) at mga respondent.
By Judith Estrada – Larino
SMW: RPE
