Naging biktima na ng cyberbullying ng mga tsuper ang isang pasahero na nagkansela ng biyahe sa Grab matapos na hindi payagang isakay ang kanyang alagang aso.
Dahil dito, naghain na ng reklamo laban sa limang drayber ng Grab si Camila Reyes nang hindi siya tumuloy sa pagsakay dahil pinayuhan umano ito ng Grab driver na sa trunk na lang ipasok ang aso.
Sinasabing nakarating sa internet ang tungkol sa nangyari kay Reyes hanggang sa makarating ito sa social media group ng Grab drivers kung saan siya tumanggap ng mga hindi katanggap-tanggap na mensahe.
Maliban dito, ginawan din umano si Reyes ng mga mapanirang ‘meme’ ng mga tsuper ng Grab.
Nangako naman ang N.B.I. cybercrime division na iimbestigahan nilang mabuti ang naturang kaso.
By: Gilbert Perdez
SMW: RPE
