Tukoy na ng pambansang pulisya ang supplier ng cocaine sa mga high end clubs sa Pasig City.
Ayon kay Pasig Chief of Police, Sr. Supt Orlando Yebra, ibinabagsak sa mga naturang club ang cocaine na ipinapasa ng naarestong Grab motorcycle rider at isang Filipino-Chinese.
Ininguso na ng suspek na si Grab-Rider Edison Hernandez kung saan at sino ang pinagkukunan ng cocaine na dini-deliver nito kay Filipino-Chinese Maynard Ang, na nahulian ng walong pakete ng cocaine matapos itong dakpin dahil sa panununtok sa isang club sa Metrowalk, Pasig.
Sinabi ni Yebra na trinatrabaho na ng Pasig PNP ang supplier ng cocaine na itinuro ni Hernandez.
Sasampahan ng reklamong paglabag sa Republic Act 9165 o Comprehensive Drugs Act sina Hernandez at Ang.
By: Mheann Tanbio
SMW: RPE
