Hindi naniniwala si Senador Panfilo Lacson na talagang gold bars ang handang isauli ng mga Marcos sa gobyerno.
Sinabi ni Lacson na sa kaniyang pagkaka alam ay certificates lamang ang hawak ng Marcoses na kailangang i trade o ipagpalit pa sa ginto.
Ayon kay Lacson may kasama siyang mga kaibigan nung ipakita sa kanila ni dating First Lady Imelda Marcos ang Gold Certificates na ginagamit ng dating Pangulong Ferdinand Marcos sa pagte trade ng ginto.
Matagal na aniya sanang nakuha ng PCGG kung mayruon talagang hawak na gold bars ang Marcoses.
Subalit iginiit ni Lacson na kung may negosasyon para sa alok na pagsasauli ng ill-gotten wealth ng mga Marcos dapat itong isulong dahil malaking tulong ito sa bayan at dagdag na kita na papasok sa kaban ng bayan.
By: Judith Larino / Cely Bueno
SMW: RPE
