Hinamon ng running priest na si Fr. Robert Reyes si Justice Secretary Vitaliano Aguirre na magbitiw na lamang sa kaniyang puwesto.
Ito’y ayon sa pari ay dahil sa pagiging bias umano nito sa paghawak sa kaso ng binatilyong si Kian loyd Delos Santos na pinatay ng mga pulis sa isinagawang one time, big time operation sa Caloocan City kamakailan.
Buwelta naman ni Aguirre, bakit tila tahimik si Reyes sa mga usaping kinasasangkutan ng mga pari ng simbahang Katolika tulad ng pagiging ama ng mga pari, pangmomolestiya sa mga kabataan, pagdadala ng menor de edad sa motel at pang-aabuso sa mga sakristan.
Kasunod nito, nanindigan ang kalihim na hindi siya aalis sa puwesto hangga’t nananatili pa ang tiwala at kumpiyansa sa kaniya ni Pangulong Rodrigo Duterte sa mga atas na iginawad sa kaniya nito.
By: Jaymark Dagala
SMW: RPE
