Marami pa sanang dapat sagutin ang namayapang ama ng magkapatid na Omar at Abdullah Maute na si Engineer Cayamora dahil marami ang naging biktima ng karahasan sa Marawi City.
Ito ang may panghihinayang na sagot ni Armed Forces of the Philippines (AFP) Chief of Staff General Eduardo Año.
Gayunman, katulad aniya ng pamilya ni Cayamora, ikinalulungkot din umano nila ang pangyayari.
Si Cayamora ay nasawi kahapon sanhi ng kumplikasyon dulot ng high blood pressure.
Alinsunod sa relihiyong Islam, hindi dapat abutan ng pagsikat ng bagong araw ang labi ng isang namatay kaya’t dapat itong maihimlay bago pa man lumubog ang araw o habang gabi.
