Pinatitigil ng LTFRB o Land Transportation Franchising and Regulatory Board ang Transport Network Company na Uber Systems Incorporated ang planong paglulunsad ng kanilang bagong bus project.
Kasunod na rin ito ng natanggap ng LTFRB na sulat mula sa Uber kaugnay sa anito’y soft launching ng Uber – Pasig Bus Project sa Pasig City.
Ang soft launching ay itinakda sa Setyembre 15 at mayroong dalawang linggong test run bago ang paglulunsad ng nasabing proyekto.
Gayunman, sinabi ni LTFRB Board Member Atty. Aileen Lizada na hindi naman idinetalye ng Uber ang nasabing proyekto at tanging sulat lamang hinggil sa soft launch ang isinumite nito.
Dahil dito, ipinabatid ni Lizada na inatasan nila ang Uber na iprisinta muna sa technical working group meeting ng LTFRB sa Agosto 30 ang nasabing proyekto.
