Aabot sa 500 Bilyong Piso ang nawalang kita sa mga drug traffickers sa loob ng isang taong kampaniya ng pamahalaan kontra sa iligal na droga.
Ito ang ipinagmalaki ni PNP Chief Dir/Gen. Ronald Bato Dela Rosa sa kaniyang talumpati sa ika-116 na anibersaryo ng police service sa Kampo Crame kahapon.
Ayon kay Dela Rosa, mula sa 1.3 Milyong sumukong drug users na kumokonsumo ng 200 gramo ng shabu kada araw, aabot aabot ng 85 libong kilo ng droga ang nabawas sa merkado.
Nakabatay aniya ang pagkuwenta ng pulisya sa naturang halaga mula sa kasalukuyang presyuhan ng droga na 5000 piso kada gramo.
Kasunod nito, ipinagmalaki rin ni Dela Rosa na 86 na libo na ang kanilang naaresto habang mahigit 3200 naman ang napatay na drug personalities sa kanilang mga isinasagawang operasyon.
