Arestado sa entrapment operation ang dalawang hinihinalang konektado sa sindikato ng droga sa Guiguinto, Bulacan.
Ito ay matapos na magsumbong ang isang OFW na patungong middle east sa Malolos police station dahil sa nakitang iligal na droga sa loob ng mga chichirya na ipinapadala sa kanya ng mga suspek.
Ayon kay Malolos police chief, Supt. Heryl Bruno ang dalawang suspek na kinilalang sina Alex Bamba at isang Patricio ay miyembro ng malaking sindikato ng droga sa Tarlac.
Itinanggi naman nina Bamba at Patricio ang paratang at iginiit na hindi nila alam na may lamang shabu ang mga chichirya.
