Pormal nang kinasuhan ng Ombudsman sa Sandiganbayan si Senador Gringo Honasan.
Kaugnay ito sa umano’y maanomalyang paggamit ng senador sa kaniyang PDAF o Priority Development Assistance Fund.
Dalawang patong ng paglabag sa Section 3 ng Anti-Graft and Corrupt Practices Act ang isinampa ng Tanod Bayan laban kay Honasan.
Batay sa resulta ng imbestigasyon ng Ombudsman, sinasabing P30-M ang inilabas ng tanggapan ni Honasan para sa National Council of Muslim Filipinos bilang implementing agency.
