Full alert status ilalarga ng PNP sa araw ng SONA

Itataas ng National Capital Region Police Office o NCRPO ang seguridad ng Metro Manila sa full alert status sa  araw ng ikalawang State of the Nation Address ni Pangulong Rodrigo Duterte, sa Lunes,  Hulyo 24.

Ito, ayon kay NCRPO Chief, Director Oscar Albayalde ay  upang mapigilan ang anumang tangkang panggugulo ng New People’s Army  o anumang grupo.

Magpapakalat anya  ng skeletal force ang NCRPO sa paligid ng Batasang Pambansa simula Sabado.

Halos 400  pulis ang ikakalat sa mga lugar malapit sa Batasan at pagdating ng Lunes ng madaling araw ay  ibubuhos nila ang kanilang puwersa.

Dagdag ni Albayalde, maging  ang mga mataong lugar sa Metro Manila gaya ng mga mall at transport terminal habang ide-deploy din ang PNP-Special Weapons and Tactics.

By Drew Nacino

Comments

comments