Bahagyang tumaas ang lebel ng tubig sa Angat dam sa Bulacan at sa iba pang major dam sa Luzon
Ayon sa PAGASA, kaninang alas-6:00 ng umaga naitala ang 175. 65 meters na water level sa Angat, mataas ng .02 meter mula sa 175. 63 meter na sukat nito kahapon.
Mababa pa rin itong maituturing sa 180 meter na critical level ng dam para sa irigasyon.
Naitala rin ang pag taas ng lebel ng tubig sa San Roque Dam at Pantabangan Dam.
Habang bumaba naman ang level ng tubig sa lima pang mga dam sa Luzon kabilang na ang La Mesa Dam.
By Rianne Briones
