Nailigtas sa parusang kamatayan sa United Arab Emirates o UAE ang isang Overseas Filipino Worker o OFW na nahaharap sa kasong pagpatay.
Napag-alaman sa ina ni Jennifer Dalquez na napawalang sala ang kanyang anak sa kasong pagpatay sa kanyang employer noong December 2014.
Ayon kay Ginang Rajima Dalquez, hindi makapaniwala subalit masayang masaya ang kanyang anak nang ipagbigay alam nila ang resulta ng kanilang apela sa UAE Court of Appeals.
Si Jennifer ay nasentensyahan ng kamatayan sa UAE Court of First Instance noong May 2015 kayat iniakyat ang kanyang kaso sa Court of Appeals.
Inamin ni Jennifer na sinaksak nya ang kanyang amo dahil pinagtangkaan siyang gahasain nito.
By Len Aguirre / with report from Jill Resontoc (Patrol 7)
Photo: Migrante International / CNNPH
