Immaterial na pag-usapan ang isyung pangkalusugan ni Pangulong Rodrigo Duterte.
Inihayag ito ng Pangulo matapos hindi siya nakita ng publiko ng limang araw noong nakalipas na linggo.
Sinabi ni Pangulong Duterte na walang dapat na ikabahala kung sakali dahil mayroon namang Bise-Presidente na hahalili sa kanya.
Pinayuhan ng Presidente ang mga Pilipino na huwag masyadong mag-alala kung mawala siya ng isa o dalawang araw, at tiniyak na hindi niya iiwan ang mga ito hanggat siya ay nananatiling buhay.
Sinabi ng punong ehekutibo na baka nasanay ang publiko noong panahon ni dating Pangulong Ferdinand Marcos na hindi nakita ng ilang araw dahil naoperahan pala kaya wala itong public appearance.
By: Aileen Taliping
