Itinuturing na security lapse ng PNP – SOSIA o Philippine National Police – Supervisory Office for Security and Investigation Agencies ang hindi tamang uniporme na suot ng babaeng gwardiyang unang sumita sa suspek sa pag-atake sa Resorts World Manila.
Ayon kay Senior Superintendent Ildebrandy Usana, Assistant Chief ng PNP-SOSIA, walang bitbit na baril ang lady guard na si Mary Grace Ayala nang mangyari ang insidente dahil bawal ito kung ang suot na uniporme ay pangsibilyan tulad ng polo barong.
Depensa ng security provider ng Resorts World na NC Lanting, mismong ang casino – hotel ang humiling na iyon ang ipasuot sa kanilang mga gwardiya.
Bwelta naman ng PNP – SOSIA, hindi dapat ito sinunod ng security agency dahil labag ito sa kanilang panuntuan at sa halip ay nag-request na lamang ng special set ng uniporme kung ayaw ng kanilang kliyente ang ordinaryong kulay puting uniporme.
By Krista De Dios | With Report from Jonathan Andal
