Gobyerno aminadong mahirap mahuli si Isnilon Hapilon

Aminado  ang  gobyerno na  mahirap mahuli  ang itinuturing  na  lider  ng  Maute  Terror  group na  si Isnilon  Hapilon .

Sinabi ni Defense  Secretary Delfin Lorenzana na kahit  kilala  si Hapilon sa  mukha,  nagagawa  pa  ring  makalusot  sa  mga  awtoridad  at  humahalo sa  mga sibilyan, bukod pa sa  marami itong  supporters  na  nagpoprotekta sa  kanya.

Sa katunayan, ayon kay Lorenzana, noong nasa  Basilan pa si Hapilon ay  hindi ito mahuli-huli  gayong  maliit  lamang ang Basilan kaya lalong  nahirapan ang  government  forces  nang  lumipat ito sa  Lanao del Sur.

Naniniwala  si Lorenzana  na  hindi pa  nakalalabas  ng Marawi City si Hapilon at  kahit  sugatan ay nagtatago pa ito sa nabanggit na lugar.

By Meann Tanbio / with report from Aileen Taliping (Patrol 23) 

Comments

comments