Senior High voucher ng DepEd muling binuksan

Muling binuksan ng DepEd o Department of Education ang kanilang SHS o Senior High School Voucher Program ngayong school year.

Sa inilabas na advisory ng DepEd, maaaring mag-apply ang mga grade 10 students na nagtapos sa pribadong paaralan mula Mayo 1 hanggang 15.

Inaanyayahan ng DepEd ang grade 10 graduates na magsumite ng kanilang aplikasyon sa pamamagitan ng voucher application portal na http://ovap.deped.gov.ph

Iginiit ng DepEd na hindi na nila palalawigin ang deadline para rito at ihahayag nila ang resulta sa Mayo 31.

Sa ilalim ng naturang programa, mabibigyan ng pagkakataon ang mga mapipiling mga estudyante na mapagkalooban ng hanggang P22,500 bilang pandagdag sa tuition fee.

By  Meann Tanbio

Comments

comments