Dapat paigtingin at pag-ibayuhin pa ng PNP o Philippine National Police ang kampaniya nito laban sa mga tiwali at abusadong pulis.
Binigyang diin ito ni Senador Bam Aquino makaraang mabunyag ang umano’y lihim na kulungan sa Station 1 ng MPD o Manila Police District sa Tondo, Maynila.
Ayon kay Aquino, kailangang matigil ang ganitong uri ng pang-aabuso kaya’t dapat itong agarang maimbestigahan dahil dito nakasalalay ang tiwala ng taumbayan sa mga awtoridad.
Mahalagang igalang at pagkatiwalaan ng publiko ang pulisya kung talagang prayoridad nito ang kampaniya laban sa iligal na droga.
By: Jaymark Dagala / Cely Bueno
