Biyahe ng mga bus sa Araneta terminal fully booked na

Inaasahan na ang pagbuhos ng mga biyahero ngayon na huling araw ng pasok sa mga opisina ng gobyerno at pribadong kumpanya.

Sa Araneta Center Bus Terminal sa Cubao, fully booked na ang mga biyahe ng air-conditioned bus ngayong araw ngunit bukas pa ito sa mga chance passenger dahil posibleng madagdagan pa ang biyahe ng bus.

Marami na ring mga pasahero ang naghihintay na masakay sa mga terminal ng bus sa Pasay at Maynila.

Samantala, pinaigting na rin ng Philippine Coast Guard (PCG) ang pagbabantay sa mga pantalan sa bansa partikular sa Batangas Port.

Ayon kay PCG Officer in Charge Commodore Joel Garcia, bukod sa mga security personnel ng pantalan at pulis patuloy rin ang gagawing pag-iikot ng mga ahente ng Coast Guard at K-9 unit

Kahapon pa lamang, nakapagtala na ang Pcg ng higit 1,500 mga sasakyan na sasakay sa RORO vessel at higit dalawampu’t tatlong (23) mga pasahero.

By Rianne Briones

Comments

comments