Niyanig ng magkasunod na lindol ang lalawigan ng Davao Oriental, kagabi.
Unang naitala ang magnitude 5.7 dakong alas-6:38 kagabi at natunton ang epicenter sa layong dalawandaan at isang (201) kilometro timog silangan ng bayan ng Generoso.
Naramdaman din ang pagyanig sa mga karatig lugar partikular sa General Santos City kung saan naitala ang intensity 1.
Dakong alas-7:00 naman nang yanigin ang naturang lugar ng magnitude 5.1 na lindol na may layong isandaan pitumpu’t dalawang (172) kilometro, timog-silangan ng nasabing bayan.
Nakapagtala na ang PHIVOLCS ng halos dalawampung (20) aftershocks matapos ang mga nasabing pagyanig.
By Drew Nacino
