Magwawakas na bukas ang buhay sibilyan ng 300 bagong pasok sa PMA o Philippine Military Academy.
Bukas pormal na manunumpa sa PMA ang mga bagong plebo na bubuo sa PMA Class of 2021.
Magaganap ito sa Fort Del Pilar sa Baguio City na sasaksihan ng kanilang mga magulang.
Ayon kay PMA Information Officer Lt. Col Reynaldo Balido, agad magsisimula sa kanilang military training ang 300 plebo na binubuo ng 40 babae at 260 lalake.
Pangungunahan ng mga upper class cadets ang pagbibigay ng mga ehersisyo sa mga plebo tulad ng push ups, sit ups, squat, jumping jacks at iba pa na karaniwang ginagawa sa dalawang buwang breast barracks tuwing summer.
By Len Aguirre
