Hawak na ng militar ang isa sa mga miyembro ng Abu Sayyaf na nasugatan sa kalagitnaan ng pagtugis ng mga sundalo sa mga bandidong nang-hijack sa isang cargo vessel malapit sa Sibago Island, Basilan.
Ayon kay Maj. Gen. Carlito Galvez Jr., Commander ng AFP-Western Mindanao Command, nakatakas naman ang mga kasamahan ng hindi pa pinapa-pangalanang asg member.
Kasamang tinangay ng grupo ang kapitan ng panamanian-flagged MV Super Shuttle RORO 9 na si Aurelio Agacac at Chief Engineer na si Laurencio Tiro.
Sinubukan anya nilang iligtas ang dalawa subalit pinaulanan sila ng bala ng mga bandido.
Nagpapatuloy ang operasyon ng militar sa bayan ng Muhammad Ajul at mga karatig lugar.
By: Drew Nacino
