Siguradong knock-out na si Senador Leila de Lima sa ikalawang oral arguments ng Korte Suprema sa araw na ito.
Kaugnay ito sa petisyon ni De Lima na ipawalang bisa ang pagpapaaresto sa kanya dahil sa illegal drug trade.
Ayon kay Solicitor General Jose Calida, hindi malalaman ni De Lima kung ano ang tumama sa kanya sa sandaling ilabas nila ang mga ebidensya na magpapakita kung gaano ka-demonya ang senador.
Tiniyak ni Calida na susunod sa proseso ang paglalahad niya ng posisyon ng pamahalaan sa kaso ni De Lima subalit maso-sorpresa aniya ang lahat sa kanilang pang-gulpe de gulat na ebidensya.
Alas-2:00 ngayong hapon magpapatuloy ang oral arguments ng Korte Suprema na magsisimula sa pagpapatuloy ng interpellation kay dating SolGen Florin Hilbay na abogado ni De Lima bago ang presentasyon ni Calida.
By Len Aguirre
