Pinag-iisipan ni Pangulong Rodrigo Duterte na gawing pinuno si Congresswoman Gloria Macapagal-Arroyo ng Constitutional Committee para sa pagbuo ng pederalismo sa bansa.
Gayunpaman, inaalala ng Pangulo na baka tanggihan ito ng dating Presidente.
Duda rin si Pangulong Duterte na papayag si Ginang Arroyo na sumama sa kanyang gabinete sakali mang alukin niya ng pwesto dahil dati nang naging pinuno ng bansa ang kasalukuyang kinatawan ng Pampanga.
Gayunpaman, sinabi ni Pangulong Duterte na wala siyang planong kunin si Ginang Arroyo para magtrabaho sa ehekutibo dahil pinagdaanan na niya ang posisyon na ito.
By Avee Devierte |With Report from Aileen Taliping
