Dalawang Low Pressure Area (LPA) ang namataan ng PAGASA sa labas ng Philippine Area of Responsibility.
Ang isa ay nasa layong 1,200 kilometro sa silangan ng Mindanao habang ang isa naman ay nasa layong 2,400 kilometro sa silangan ng Mindanao.
Ayon sa PAGASA, mas malaki ang tiyansang maging bagyo ang mas malayong LPA ngunit hindi pa alam kung papasok ito sa bansa.
Samantala, patuloy na magpapaulan ang Inter Tropical Convergence Zone (ITCZ) sa Visayas at Mindanao.
Dahil dito makararanas ng malakas na pag-ulan ang halos buong Mindanao habang mahina hanggang sa katamtamang pag-ulan ang mararanasan sa Visayas lalo na sa kanlurang bahagi gaya sa Boracay, Iloilo at Bacolod.
Sa Luzon naman mananatiling mainit sa umaga at hapon.
By Mariboy Ysibido