Hinamon ngayon ni Senador Alan Peter Cayetano ang Department of Social Welfare and Development (DSWD) na ilabas ang listahan ng mga benepisyaryo ng Conditional Cash Transfer Program o Pantawid Pamilyang Pilipino Program.
Ito ay matapos isiwalat ng Asian Development Bank na 30 porsyento ng nakikinabang sa 4Ps ang hindi mahihirap.
Giit ni Cayetano, mahalagang maipakita ng DSWD ang listahan kung saan nakadetalye ang bawat pamilyang nakakatanggap ng ayuda depende sa kanilang probinsya o distrito.
Lumalabas din kasi aniya sa report ng Commission on Audit na may mga pamilya na doble o triple pa ang natatanggap na ayuda.
Kaugnay nito, binigyang diin ni Cayetano na dapat mahimay din ng husto ang pondo ng 4Ps dahil sa inaasahang sa susunod na dalawang taon ay lolobo pa ang pondong ilalaan dito.
By Ralph Obina