Hiniling ni House Deputy Speaker Gwendolyn Garcia na maimbestigahan ang raid operations ng PDEA Region 7 sa CPDRC o Cebu Provincial Detention and Rehabilitation Center kung saan pinaghubad ang mga inmate rito.
Ayon kay Garcia dalawang isyu ang sangkot sa naturang insidente una ang patuloy na drug trade sa loob ng CPDRC at ikalawa ang paraan ng raid operations na binatikos lalo na ng human rights groups.
Dahil dito sinisi ni Garcia, dating Cebu Governor ang kasalulukuyang Gobernador na si Hilario Davide III na aniya’y naglagay sa kahihiyan sa CPDRC matapos ipag utos ang pagpapahubad sa mga bilanggo sa gitna ng anti illegal drugs operations.
By: Judith Larino
