Tiniyak ng NCRPO o National Capital Region Police Office na salang-sala na ang mga pulis na isasabak sa ikalawang yugto ng Oplan Tokhang simula ngayong araw.
Sa panayam ng programang “Todong Nationwide Talakayan” kay NCRPO chief, director Oscar Albayalde, kanilang isinalang sa background check ang mga pulis na lalahok sa nasabing operasyon.
Una na ring inimbitahan ni PNP Chief Dir/Gen. Ronald ‘Bato’ dela Rosa ang mga pari ng Simbahang Katolika upang magsilbing tagapagmasid at tumulong na kumbinsihin ang mga drug dependents na magbagong buhay.
‘Sa tingin namin ay malaki ang maitutulong ng ating kaparian para makumbinsi ‘yung mga drug dependents na mag-surrender na lang at magpa-rehab ng kusa. Marami namang kaparian din natin ang sumusuporta sa war on drugs’ Pahayag ni Albayalde.
By Jaymark Dagala
