Inaasahang babawi ang Barangay Ginebra laban sa San Miguel sa Game 2 ng PBA Philippine Cup Finals series bukas.
Ito’y matapos makuha ng Beermen ang panalo sa Game 1 sa score na 109-82 sa bakbakang ginanap sa Mall of Asia Arena, kagabi.
Sina Chris Ross at June Mar Fajardo ay umiskor ng tig-17 points para sa Beermen.
Sa unang bahagi pa lamang ng laro ay agad-agad pinatunayan ng Beermen na sila ang pinakamalakas na team sa PBA nang tambakan ang Gin Kings sa 1st Quarter hanggang sa makuha nila ang panalo.
Inaabangan na ng fans ang Game 2 ng Finals na isasagawa sa Quezon Convention Center sa Lucena City bandang alas-6:30 bukas ng gabi.
By Jelbert Perdez
Photo: *PBA Images
