Inaantabayan na ng NBI ang pagsuko ni dating NBI Deputy Director Rafael Ragos.
Kasunod ito ng arrest warrant na inisyu ng Muntinlupa RTC dahil sa pagiging kapwa-akusado ni Ragos kay Senadora Leila de Lima at kanyang dating driver bodyguard na si Ronnie Dayan sa kasong illegal drug trade sa New Bilibid Prison.
Sa impormasyong natanggap ng Department of Justice, noong isang gabi pa nagpaabot ng mensahe si ragos sa NBI para sa kanyang pagsuko.
Samantala, ayon pa sa DOJ, nakakuha na ang NBI ng kopya ng arrest warrant ni Ragos at tiniyak ng kawanihan na handa silang tumulong sa pag-aresto.
By: Avee Devierte / Bert Mozo
