Walang laman ang mga panibagong pahayag ni Vice President Jejomar Binay kaugnay sa pagbibitiw nito sa gabinete ni Pangulong Noynoy Aquino.
Ito ang reaksyon ni Liberal Party Vice Chairman for Political Affairs at Caloocan Representative Edgar “Egay” Erice sa talumpati ni Binay sa Coconut Palace, kahapon.
Kumbinsido si Erice na tila kumakapit na sa patalim ang Pangalawang Pangulo sa pagbanat nito sa administrasyong Aquino.
Samantala, naniniwala ang kongresista na sumama ang loob ni Binay nang tanggihan ito ng Pangulo na maging standard bearer ng administration party para sa 2016 Presidential elections.
By Drew Nacino | Chachahin Mo Baby!
