Pinaiimbestigahan ni Senador Antonio Trillanes sa Senate Public Order Committee ang testimonya ni retired SPO3 Arthur Lascañas hinggil sa DDS o Davao Death Squad at isinangkot ang Pangulong Rodrigo Duterte.
Sinabi ni Trillanes na dapat malaman ang katotohanan sa aniya’y malakign pagsisiwalat ni Lascañas.
Sa halip na sa Senate Justice Committee na pinangungunahan ni Senador Richard Gordon isinulong ni Trillanes na maimbestigahan ng Public Order Committee ni Senador Panfilo Lacson ang nasabing usapin.
Ayon naman kay Senate Majority Floor Leader Vicente Sotto III kailangang ipaalam ni Trillanes kay Gordon ang request nitong ang komite ni Lacson ang mag imbestiga sa isyu.
Magugunitang lumalabas sa report ng komite ni Gordon nuong isang taon na walang patunay ng extra judicial killings o existence ng DDS.
By: Judith Larino / Cely Bueno
