Nakatakdang magpatawag ng caucus si House Majority Leader at Ilocos Norte Representative Rodolfo Fariñas sa mga miyembro ng super majority sa Kamara.
Ito’y para pagpasyahan kung nararapat na bang tapusin ang debate hinggil sa panukalang pagbabalik ng parusang kamatayan.
Ayon kay Fariñas, wala nang dahilan para patagalin pa ang pagpasa sa nasabing panukala lalo’t sapat naman na ang mga argumentong kanilang narinig hinggil dito.
Kahapon, nagkainitan sina Fariñas at Albay Representative Edcel Lagman nang maghain nito ng mosyon na i-adjourn ang sesyon dahil sa kawalan ng quorum.
By Jaymark Dagala
Photo Credit: CNN Philippines
