Kalunus-lunos ang sinapit ng bangkay ng negosyanteng Koreano na si Jee Ick Joo sa kamay ni SPO3 Ricky Sta. Isabel.
Ito ang nilalaman ng isinumiteng affidavit ng may-ari ng Gream Funeral Homes na si Gerardo Santiago sa Department of Justice (DOJ).
Kuwento ni Santiago, tila isang basura lamang kung idispatsa ni Sta. Isabel ang bangkay ni Jee Ick Joo nang dalhin ito sa Gream sa mismong gabi kung kailan dinukot at pinatay ang biktima.
Giit ni Santiago, suportado ng kuha ng CCTV ang kanyang mga pahayag bilang patunay sa mga pangyayari noong Oktubre ng nakalipas na taon.
By Jaymark Dagala
Photo Credit: cnn ph
