Bumuo na ng task force ang Cavite-PNP na mag-iimbestiga sa malaking sunog sa HTI o House Technology Industries sa EPZA, General trias city.
Ang nabanggit na task force ay binubuo ng mga kinatawan mula sa DSWD, Bureau of Fire Protection, Philippine Red Cross at Department of Labor and Employment, at maging ng mga pinuno ng regional, provincial at municipal disaster risk reduction and management councils, local government units, at SOCO.
Sa pinakahuling ulat, naka-confine sa dalawang ospital sa Cavite ang 51 manggagawa ng HTI, habang 25 naman sa mga biktima ay inilipat sa Philippine General Hospital.
Sampung biktima ang kritikal pa rin ang kondisyon.
By Meann Tanbio
