Isinusulong ni Senador Grace Poe ang 20% discount at Value Added Tax o VAT exemption para sa junior citizens.
Sa ilalim ng Senate Bill 1295 o Junior Citizens Act ni Poe, pagkakalooban ng discount at tax exemption sa mga goods at services ang mga batang edad hanggang 12 mula sa mga mahirap na pamilya o kumikita ng hanggang 250,000 kada taon.
Ayon kay Poe, tiyak na makapagbibigay ang panukalang batas ng subsidiya sa mga pangangailangan ng mga pamilyang mahirap.
Kabilang sa mga saklaw ng bill ang discount sa professional fee sa lahat ng mga doktor sa lahat ng pribadong ospital, medical at dental services at funeral and burial services.
By Drew Nacino | Report from Cely Bueno
