Suportado ng Minority Bloc sa Kamara ang derektiba ni Philippine National Police o PNP Chief Ronald Dela Rosa na pansamantalang ipatigil ang oplan tokhang.
Sinabi ni Congressman Harry Roque, masyado nang huli ang pahayag ni Dela Rosa dahil napakarami na aniyang pinapatay araw-araw dahil sa maling konsepto ng pagpapatupad ng batas.
Sinabi ni Roque na ngayong suspindido ang oplan tokhang, dapat tutukan ng liderato ng pambansang pulisya ang aniya’y internal cleansing sa hanay ng pulisya upang matanggal ang mga kriminal.
By: Avee Devierte / Jill Resontoc
