Isa-isang magtatagisan ang walumpu’t anim (86) na kandidata ng 2016 Miss Universe pageant para sa kanilang preliminary competitions ngayong araw.
Ito’y bilang bahagi pa rin ng mga aktibidad ng nasabing patimpalak bago ang coronation night sa Enero 30 na gagawin sa Mall of Asia (MOA) Arena sa Pasay City.
Live na mapapanood via online streaming mamayang gabi ang pagrampa ng mga kandidata suot ang kani-kanilang swimsuit, evening gown at national costume para sa naturang kumpetisyon.
Magsisilbi namang host ng preliminary competition si reigning Miss Universe Pia Alonzo Wurtzbach na sasamahan naman ng hunk actor na si Derek Ramsey.
By Jaymark Dagala
