Dalawang pang bihag na Pilipino ang pinalaya ng Abu Sayyaf sa Sulu.
Kinilala ang dalawa na sina Dolcesimo Almires at Esteban Janamjam na dinukot ng mga bandido sa baybayin ng Panguturan, noong Oktubre.
Ayon kay AFP-Western Mindanao Command Public Affairs Chief, Lt. Col. Franco Alano, agad narekober ng mga miyembro ng Joint Task Force Sulu ang mga bihag sa barangay Tagbak, Indanan.
Posible anyang na-pepressure na ang ASG sa pinaigting na opensiba ng militar kaya’t pinalaya ang dalawang biktima.
Sumailalim naman sa medical check-up at debriefing ang mga pinalayang bihag.
By Drew Nacino | Report from: Jonathan Andal (Patrol 31)
