Humingi na ng dispensa ang aktres na si Isabelle Daza sa mga residente ng lalawigan ng Siquijor matapos umani ng batikos mula sa netizens ang kaniyang post sa Instagram na #siquiwhores.
Ito ay pahayag ni Siquijor Vice Governor Dingdong Avanzado matapos matawag ang kaniyang pansin at hingian ng paliwanag si Isabelle tungkol dito.
Aniya nakapag-usap na sila ni Isabelle at nilinaw sa kanya ng aktres na ang hashtag niyang siquiwhores ay term of endearment lamang umano para sa kanya at sa kanyang pinsan at hindi mga taga-Siquijor ang tinutukoy niya dito.
Kaya’t sana daw ay tanggapin na rin ng mga netizens at taga-Siquijor ang paumahin ni Isabelle at pagtuunan na lang ang mas marami pang importanteng bagay.
By Jenny Valencia
