Napansin ng PNP Crime Laboratory na halos wala nang natatagpuang mga bangkay sa kalsada na binalot ng tape at sinabitan ng karatula.
Ayon kay Police Superintendent Irene Rigonan ng PNP Crime Laboratory, kalimitan na ngayon ay binabaril na lang ng mga salarin ang kanilang mga biktima.
Pero, pahirapan pa rin aniya sa pagtukoy sa pagkakakilanlan ng mga salarin lalo na kung nakasuot ang mga ito ng bonnet kaya’t naitatala ito sa listahan ng DUI o Deaths Under Investigation.
Sinabi rin ni Rigonan na itinuturing nilang iisa lang ang DUI at EJK o extra judicial killings.
By: Meann Tanbio / Jonathan Andal
