Sumuko na sa National Bureau of Investigation (NBI) ang pulis na dawit sa pagdukot sa isang Korean national sa Pampanga.
Ipinabatid ito ni Philippine National Police (PNP) Chief Director General Ronald dela Rosa matapos tumawag sa kanya si Justice Secretary Vitaliano Aguirre na nagpa-custody na sa NBI si SPO3 Ricky Sta. Isabel.
Sinabi ni Dela Rosa na wala siyang balak kunin ang custody ni Sta. Isabel na sangkot sa pagdukot kay Jee Ick Joo.
Ayon kay Dela Rosa, ibubunyag niya sa mga susunod na araw ang mga iligal na aktibidad ni Sta. Isabel na aniya’y isang retired official ng PNP ang padrino.
By Judith Larino | Report from: Jonathan Andal (Patrol 31)
