Nagpatupad na ng one-kilometer radius signal jamming sa mga mobile phone ang ilang telecommunication companies malapit sa andas ng Itim na Nazareno.
Ito ang ipinabatid ni National Capital Region Police Office (NCRPO) Director Chief Supt. Oscar Albayalde.
Partikular na nagpatupad ng signal jamming ang Smart, TNT at Sun Mobile Phone Services, alinsunod na rin sa direktiba ng NTC o National Telecommunications Commission at PNP o Philippine National Police na pansamantalang i-shutdown ang mobile services.
Tiniyak ng mga nabanggit na telecom na ibabalik nila ang kanilang serbisyo sa sandaling bigyan na sila ng go-signal ng mga awtoridad.
By Meann Tanbio
