Full force ang Philippine National Police (PNP) para tiyakin ang seguridad ng mga debotong lalahok sa traslacion ng Itim na Nazareno.
Ayon kay PNP Chief Director General Ronald ‘Bato’ dela Rosa, kanila nang itotodo ang deployment ng mga pulis kung saan hindi lamang mga pulis sa Metro Manila ang magbabantay sa traslacion.
Sinabi ng PNP Chief na huhugot sila ng tropa mula sa national headquarters maging sa PNP Regions 3 at 4.
Dagdag pa ni Dela Rosa, kinakailangan nilang i-maximize ang tropa ng pulisya lalo’t balita nila ay mas malaking bilang ng mga deboto ang lalahok sa prusisyon nayong taon.
Una rito, sinabi ni NCRPO Chief Superintendent Oscar Albayalde na nasa 319 na pulis mula sa bawat police district ang ipapakalat sa Maynila para sa traslacion.
By Ralph Obina
