Isang preso ang patay habang 3 ang sugatan sa pagsalakay ng mga miyembro ng New People’s Army o NPA sa Catbalogan City Jail sa Samar.
Kinilala ang nasawing bilanggo na si Roy Yanzon samantalang sugatan ang jail officers na sina Edwin Solivas, Ismael Palahos Jr. at Mark de Guzman.
Sa inisyal na imbestigasyon, Sabado ng madaling-araw nang umatake ang 30 NPA members sa Catbalogan City Jail matapos pasabugin ang likurang pader.
Pagnanakaw ng armas ang pangunahing pakay ng NPA sa naturang pagsalakay kung saan natangay ng mga ito ang 8 assorted firearms ang ilang personal na gamit ng jail guards.
Kasalukuyan pang tinutugis ang mga suspek.
By Meann Tanbio
