Mas maiging iwanan na ng Pangulong Rodrigo Duterte ang mga dating nakagawian nito bilang mayor at mag-develop ng mga bagong ugali bilang isang pambansang pinuno.
Ito ang paniniwala ni Sen. Panfilo Lacson kasabay ng paliwanag na mas magiging pinakamahusay na presidente si Duterte na manunungkulan sa bansa kung matututo itong gawin ang naturang bagay.
Ayon kay Lacson, puwede namang gamitin ng Pangulong Duterte ang Google para malaman kung papaano maging totoong “statesman” bilang panimula na rin umano ngayong 2017.
Paliwanag ng dating PNP chief, gusto niyang magtagumpay ang Pangulong Duterte dahil katulad niya at ng lahat ng mga Pilipino, mahal din niya ang bansang Pilipinas.
Aniya, panahon na rin para maging “multi-dimensional” ang presidente ngayong 2017 dahil napagtatagumpayan na ng mga law enforcement agencies ang laban kontra iligal na droga.
By Jelbert Perdez
