Nilagdaan na ni Pangulong Rodrigo Duterte ang P3.35-Trillion national budget para sa taong 2017.
Sa kanyang talumpati sa Malacañang, sinabi ng Pangulo na makatitiyak ang sambayanan na ang budget ay pro-people, pro-investment, pro-growth at pro-development.
Ipinabatid ng Pangulo na mayorya ng mga mahihirap na Pilipino ang makikinabang sa tinawag nitong “budget for change” lalo na yaong mga nakatira sa mga liblib na lugar.
Gagamitin din aniya ang malaking bahagi ng pambansang budget para mapahusay ang kalidad ng edukasyon.
Tinitiyak ng Presidente na magpapatuloy ang conditional cash transfer para sa mga mahihirap na pinaglaanan ng P78.2 billion mula sa kabuuang pondo sa 2017.
Kabilang sa mga nakakuha ng malaking bahagi ng 2017 national budget ay ang Department of Education (P546.62 Billion), DPWH (P443.76 Billion), Department of Health (P155.15 Billion), DILG (P147.58 Billion), Department of National Defense (P135.04 Billion), DSWD (p128.31 billion) at iba pa.
By: Meann Tanbio / Aileen Taliping
