Magandang balita para sa mga pensiyonado ng Government Service Insurance System o GSIS.
Makatatanggap ang mga GSIS pensioner ng Christmas Cash Gift simula sa Disyembre 16.
Ayon sa GSIS, ang mga pensioner na tumanggap ng mahigit 10,000 Piso noong nakalipas na taon ay makatatanggap ngayong taon ng hindi bababa sa P12,600.
Habang ang mga nakatanggap ng cash gift na 10,000 Piso pababa noong 2015, ay makakukubra pa rin ng hanggang 10,000 Piso.
Samantala, ang mga pensioner na nakatira abroad at sa ARMM, pero mayroong suspended status ay kwalipikado pa ring makakuha ng cash gift basta’t i-reactivate lamang ang kanilang status bago ang April 30, 2017.
Ipinabatid ng GSIS na makukuha ng mga nabanggit ang kanilang cash gift bago sumapit ang May 31, 2017.
By: Meann Tanbio
