Plano ngayong dagdagan ng Department of Transportation o DOTR ang ruta ng premium point – to – point bus service.
Isa ito sa mga proyekto ng pamahalaan na naglalayong pagaangin ang kalbaryo ng mga komyuter na araw-araw naiipit sa masikip na daloy ng trapiko.
Kabnilang sa mga planong idagdag na ruta simula sa susunod na taon ay ang LRT line 2 station sa Santolan hanggang Masinag sa Antipolo gayundin sa mga lugar ng Cainta, Taytay, Cogeo at Padilla hanggang Antipolo town proper.
Kasama rin sa mga idaragdag na ruta patungong Makati mula sa mga lugar ng Ortigas, Marikina, Antipolo, Cainta, Sucat at Bicutan at pabalik.
Gayundin mula alabang patungong Bonifacio Global City sa Taguig at mula Nuvali sa Sta. Rosa sa Laguna patungong Makati.
By: Jaymark Dagala
